الرقصه الحلوة لازمها اثنين شاطرين

بقلم : رفيق رائف

Created : 24 Oct 2022

"الرقصة الحلوة لازملها اتنين شاطرين" 

لكنى اكتشفت

مش أى اتنين يعرفوا ينبسطوا بالرقص سوا، مهما كانوا شاطرين

انا عشان اعرف استمتع بالرقص

بحتاج آخر آمن

أعرف اغلط واتكعبل فى خطواتى معاه من غير ماقلق من حكمه

بحتاج آخر مستعد لتكملة الرقصة والاستمتاع بيها بالرغم من اننا ممكن نتكعبل احيانا

آخر عارف يكون نفسه فى الرقص، مش محبوس فى خطواتى

وعارف اكون نفسى معاه، فبكون قادر ارتجل خطوات جديدة حتى لو مش متعودين عليها او معملنهاش قبل كدا

يكون قادر يستمتع بالمزيكا اللى شغاله فى الخلفية لوحده ، مش مستنينى اعمل حاجات مبهرة عشان يعرف يستمتع

مش أى حد تعرف ترقص معاه رقصة الحياة والعلاقات

وفوق كل دا

محتاج تتعلم ترقص لوحدك فى الحياة

تستمتع بالمزيكا اللى فى الخلفية لوحدك

حتى لو مش عارفها او مش متوقعها او مش متعود عليها

تتصالح مع حركات جسمك ومع انها مش دايما كاملة ومش دايما مبهرة

هى فقط بتعبر عن احساسك ، وعنك

مقالات أخري لرفيق رائف